امریکی مرکزی کمان کے سربراہ جنرل جوزف ووٹیل کا داعش کے آخری ٹھکانے کے فتح ہوجانے پر بیان

امریکی مرکزی کمان سیرئین ڈیموکریٹک افواج کو داعش کے ساتھ آخری معرکہ سر ہونے پر مبارکباد پیش کرتی ہے جس کے نتیجے میں داعش کی خلافت کا خاتمہ ہوچکا ہے۔ یہ نتیجہ خیز معرکہ نابگفتہ حالات میں  سالہا سال کی اس مشترکہ جدوجہد کا پیش خیمہ تھا جسکی قیادت شامی اور عراقی شراکت داروں نے انجام دی اور اس میں امریکی اور اتحادی افواج کی انھیرنٹ ریسالو ٹیم کی ہر ممکن مدد شامل رہی – ہم اور ہمارے تمام اتحادی ان مرد وخواتین ہیروز کو سلام پیش کرتے ہیں جو داعش کے خلاف ڈٹے رہے – ساتھ ہی ساتھ ہم ان معصوم شہریوں کی اموات پر غم زدہ ہیں جو اس دہشت گردی کی بھینٹ چڑھ گئے – بلاشبہ ہماری مشترکہ کوششوں نے 70 لاکھ شہریوں کو داعش کے چنگل سے آزاد کروایا ہے مگر ابھی یہ جنگ ختم نہیں ہوئی ہے – ہم داعش کی باقیات کے مکمل خاتمے تک اپنے عزم پر ڈٹے رہیں گے اور اپنی مشترکہ جدوجہد جاری رکھیں گے جب تک داعش کا نام و نشان نہیں مٹ جاتا ۔