ٹیمپا، فلوریڈا — امریکی سینٹرل کمانڈ کی فورسز نے صدر کے اعلان کے مطابق 13 اپریل کو صبح 10 بجے (امریکی مشرقی وقت) ایرانی بندرگاہوں میں داخل ہونے اور نکلنے والی  تمام سمندری آمدورفت کی ناکہ بندی کا عمل شروع کر دیا ہے۔

یہ ناکہ بندی تمام ممالک کے اُن جہازوں پر یکساں طور پر لاگو ہوگی جو ایرانی بندرگاہوں اور ساحلی علاقوں—بشمول خلیجِ عرب اور خلیجِ عمان میں واقع تمام ایرانی بندرگاہوں—میں داخل ہوں گے یا وہاں سے روانہ ہوں گے۔

سینٹرل کمانڈ کی افواج آبنائے ہرمز سے غیر ایرانی بندرگاہوں تک جانے اور وہاں سے نکلنے والے جہازوں کے لیے جہاز رانی کی آزادی میں رکاوٹ نہیں ڈالیں گی۔

 تمام جہاز رانوں کو ہدایت کی گئی ہے کہ وہ “نوٹس ٹو میرینرز” کی نشریات پر نظر رکھیں اور خلیجِ عمان اور آبنائے ہرمز کے قریب آپریٹ کرتے وقت برج‑ٹو‑برج چینل ۱۶ پر امریکی بحریہ سے رابطہ کریں۔