ٹیمپا، فلوریڈا — کمانڈر اِن چیف کی ہدایات کے مطابق، امریکی سینٹرل کمانڈ (سینٹ کام) کی افواج 14 جولائی کو امریکی مشرقی وقت کے مطابق شام 4:00 بجے ایرانی بندرگاہوں اور ساحلی علاقوں میں داخل ہونے اور وہاں سے روانہ ہونے والی بحری آمدورفت کی ناکہ بندی کا دوبارہ آغاز کریں گی۔

سینٹ کام فورسز ایران کی بندرگاہوں اور ساحلی علاقوں کی جانب یا وہاں سے گزرنے والے جہازوں کے خلاف اس ناکہ بندی پر عمل درآمد کریں گی۔ امریکی فوج خطے کی سمندری گزرگاہوں میں اُن تمام جہازوں کی آمدورفت کی حمایت جاری رکھے گی جو نافذ کردہ بحری محاصرے کی پاسداری کر رہے ہیں۔

ایران کے خلاف امریکی ناکہ بندی کا دوبارہ آغاز 13 اپریل سے 18 جون تک جاری رہنے والے ابتدائی نفاذ کے بعد کیا جا رہا ہے۔ دو ماہ کے اس عرصے میں سینٹ کام فورسز نے 140 سے زائد تجارتی جہازوں کا رخ موڑا، 9 متخلف جہازوں کو ناکارہ بنایا، اور انسانی امداد لے جانے والے 50 سے زائد تجارتی جہازوں کو خصوصی اجازت کے تحت گزرنے دیا۔

تمام جہازرانوں کو ہدایت کی جاتی ہے کہ وہ ’نوٹس ٹو میرینرز‘ کی نشریات پر نظر رکھیں اور خلیجِ عمان اور آبنائے ہرمز کے اطراف میں آپریشن کے دوران برج-ٹو-برج چینل 16 پر امریکی بحریہ سے رابطہ برقرار رکھیں۔

تجارتی جہازرانوں کے لیے اضافی معلومات ایک باضابطہ نوٹس کے ذریعے فراہم کی جائیں گی۔